Udir har fått i oppdrag å etablera felles støtteteneste for oppvekstsektoren

Kommunal og distriktsdepartementet (KDD) har sendt ut eit oppdragsbrev til Udir der rammene for ei slik teneste blir skildra. Tenesta skal være på plass 01.01.2026.

Støttetenesta skal styrkja personvern og inkludering i digitale læringsmiljø

I brevet står det mellom anna at føremålet med å oppretta felles støtteteneste er å møta utfordringane kommunar, fylkeskommunar og private barnehage- og skoleeigarar har med å etterleva regelverket for personvern, informasjonstryggleik og universell utforming ved anskaffing og bruk av digitale læremiddel, læringsressursar og plattformer.

Støttetenesta skal bidra til at barnehage- og skoleeigarar lettare kan sikra at elevars personopplysingar blir behandla i tråd med personvernregelverket, og ikkje hamnar på avvegar og blir brukt kommersielt til profilering og målretta reklame.

Vidare skal støttetenesta bidra til at barnehage- og skoleeigarar lettare kan sikra at dei digitale løysingane dei skal nytta er universelt utforma og dermed styrke inkluderinga av alle barn og elevar.

Kva vil innhaldet i støttetenesta vera?

KDD skriv vidare i oppdragsbrevet at støttetjenesta skal etablerast med funksjonane rettleiing, rådgiving, kompetanseheving og sentraliserte delvurderingar, for personvern, informasjonstryggleik og universell utforming.

Myndigheitsfunksjonar lagde til Utdanningsdirektoratet

Utdanningsdirektoratet skal utvikla rettleiingsmateriell og malar som skal hjelper barnehage- og skoleeigarar å forstå og følgja regelverket for personvern, informasjonstryggleik og universell utforming.

Tenesteleveransar lagde til SIKT

SIKT skal gjennomføra og publiserer sentraliserte delvurderingar og tekniske testar av digitale løysingar, slik at barnehage- og skoleeigarar får eit godt grunnlag for å velja trygge og inkluderande løysingar.

Rådgiving

Støttetenesta vil òg tilby rådgiving og støtte til barnehage- og skoleeigarar i deira lokale vurderingar. I etableringsfasen skal det avklarast kven som skal stå for rådgivinga, og korleis dette skal organiserast.

Les oppdragsbrevet her pdf, 86.4 kB..