Korleis digitalisere skulen på ein trygg måte?

Personvernprinsipp som grunnmur

Utdanningsdirektoratet viser til regelverk om at barnehage- og skuleeigar har eit tydeleg ansvar for personvern. Her blir personvernprinsippa Lenke til et annet nettsted, åpnes i nytt vindu. presenterte som sentrale føringar for korleis personopplysningar skal behandlast i sektoren. Dette gir kommunane eit utgangspunkt for å sikre at både digitale tenester og interne rutinar er i tråd med gjeldande regelverk.

Dei viktigaste prinsippa er:

• behandlingsgrunnlag (lovleg, rettferdig og ope)
• behandlinga skal skje til spesifikke føremål (føremålsavgrensing)
• det skal ikkje behandlast fleire opplysingar enn nødvendig for å oppfylla føremålet (dataminimering)
• opplysingane skal vera rette (riktigheit)
• lovleg og sikker lagring (lagringsavgrensing)
• tryggleik for opplysingane (integritet og konfidensialitet)

Les meir om prinsippa her. Lenke til et annet nettsted, åpnes i nytt vindu.

Tryggere digital læring

Tryggere digital læring Lenke til et annet nettsted, åpnes i nytt vindu. er eit nasjonalt initiativ som skal gjera det enklare og tryggare å velja og bruka digitale løysingar i skulen. Tenesta er eit samarbied mellom Utdanningsdirektoratet, KS og Sikt og gir ​kommunale skule- og barnehageeigarar konkret støtte i arbeidet med å vurdere digitale løysingar opp mot krav til informasjonssikkerheit, personvern og universell utforming. Kommunane får tilgang til vurderingar av Feide-tilknytte læremiddel, praktisk rettleiing og målretta rådgiving.

Så langt er det gjennomført vurdering av 29 digitale løysingar når det gjeld informasjonstryggleik og personvern, og over 1 000 digitale læremiddel er gjennomgått. ​Kommunane kan finne både dokumentasjon og vidare rettleiing i Feide kundeportal og Læremiddelkatalogen. Tenesta skal etter kvart utvidast til fleire typar digitale løysingar, inkludert gratisappar og plattformer, og vil også omfatte barnehagesektoren i neste fase. Her kan du sjå oversikta over vurderte tenester i Læremiddelkatalogen. Lenke til et annet nettsted, åpnes i nytt vindu.​ Meld deg gjerne på nyheitsbrevet til Tryggere Digital læring Lenke til et annet nettsted, åpnes i nytt vindu. for å få oppdateringar om tenesta.

Verktøy og sjekklister frå KS SkoleSec

På SkoleSec-sidene Lenke til et annet nettsted, åpnes i nytt vindu. har KS samla ein stor verktøykasse med ressursar som kommunane kan bruke direkte i sitt arbeid. Blant desse finn du:

• Sjekklister, kartleggingsressursar og videoleksjoner som hjelper kommunar med å vurdere og kontrollere sikkerheitsarbeidet sitt. Lenke til et annet nettsted, åpnes i nytt vindu.
• Maler for ROS-arbeid (risiko- og sårbarheitsvurderingar) ved innføring av nye digitale ressursar i skulen.
• Mal for personvernkonsekvensvurdering (DPIA) – eit krav når behandlinga av personopplysningar kan innebere høg risiko.

Desse verktøya gjer det mogleg å jobbe strukturert, også i små kommunar som ofte har lite kapasitet, men stor vilje til å samarbeide og lære av kvarandre.

Nasjonale DPIA-ar: Google og Microsoft

Som støtte til kommunane har SkoleSec også utvikla:

• Nasjonal DPIA for Google Workspace for Education. Lenke til et annet nettsted, åpnes i nytt vindu.
• Forslag til behandlingsprotokoll for generativ KI i Google Workspace for Education Lenke til et annet nettsted, åpnes i nytt vindu.. Det blir no jobba med å oppdatera DPIA for Google workspace for education til å òg inkludera tenester som Gemini og NotebookLM som inneheld generativ KI.
• Nasjonal DPIA for Microsoft 365 Lenke til et annet nettsted, åpnes i nytt vindu.

Desse kan brukast av kommunane som grunnlag når dei vurderer risiko knytt til dei to store plattformane. Dei gir eit felles rammeverk som reduserer behovet for at kvar kommune skal starte arbeidet frå null. For kommunane kan slike fellesressursar vere heilt avgjerande for å få på plass gode vurderingar utan å måtte bruke unødvendig mykje tid.

Generelle sikkerheitskrav for heile sektoren

I verktøysamlinga finn du også generelle sikkerheitskrav i anskaffingar for bruk i skulesektoren Lenke til et annet nettsted, åpnes i nytt vindu.. Desse er baserte på anerkjente standardar og drøfta og tilpassa av KS sin Task Force-gruppe i SkoleSec-prosjektet. Krava er òg diskuterte med både leverandørar og bransjeorganisasjonar. Det gir kommunane eit sett med krav som er omforente, realistiske og godt forankra i sektoren.