Ny arbeidsgruppe skal realisera gevinstar med digitale byggjesøknader i kommunane

Faggruppe for plan, bygg og geodata jobbar vidare med å auka potensialet og realisera gevinstar knytte til digitale byggjesøknader.

2024 vart det gjort eit godt innsiktsarbeid av Capgemini på oppdrag frå faggruppa, som viste at det framleis er store gevinstar å henta i samband med digitalisering av byggjesøknader. 

Nå tar faggruppa tak i tiltaka som vart føreslått i rapporten frå Capgemini og opprettar ei arbeidsgruppe som systematisk går gjennom tiltaka og jobbar for å realisera dei i medlemskommunane. 

Arbeidsgruppa vil bestå av saksbehandlarar frå fleire av medlemskommunane og dei vil samarbeida tett med ein koordinartorressurs frå DiBK, for å sørgja for ei god kopling til andre Digi-nettverk.