Eldrebarometeret - sjå korleis det står til med tenestene til eldre i kommunen din

Korleis står det til med helse- og omsorgstenestene til eldre i kommunen din – og korleis utviklar dei seg over tid? Eldrebarometeret.no er ei nettside, levert av Helsedirektoratet, som skal gi eit bilete av kvaliteten i helse- og omsorgstenestene til eldre.

Talet på eldre i Noreg aukar betrakteleg. Allereie innan 2040 vil talet som er 90 år eller eldre vera dobla samanlikna med i dag. Dei aller fleste i denne aldersgruppa vil ha behov for tenester – og desse må både vera trygge og tilrettelagde for behovet til den einskilde.

Helsedirektoratet skriv at målet med eldrebarometeret er å tilgjengeleggjera felles innsikt som kan brukast som grunnlag for kvalitetsforbetring og utvikling av tenestene i kommunane.

Her finn du nøkkeltal om kvalitet, delt inn i seks dimensjonar:

• Verknadsfulle tenester
• Trygge og sikre tenester
• Brukarinvolvering
• Samordna og prega av kontinuitet
• Utnyttar ressursar på ein god måte
• Tilgjengelege og rettferdig fordelte tenester