Felles rammer og oppfordringar ved anskaffing av journalsystem

Rammeverket er utvikla som ei rettleiing til kommunane, samtidig som det har ei målsetting å bidra til å skapa felles retning på journalområdet, og dessutan gi leverandørmarknaden ei klarare forståing av forventingar og rammar som dei må forhalda seg til i komande anskaffingar.

Oppdatert rammeverk gir kommunane betre støtte i anskaffingsprosessen

KS og ei rådgivande ekspertgruppe har nyleg gjennomført ein grundig gjennomgang av Felles rammar og oppfordringar Lenke til et annet nettsted, åpnes i nytt vindu. – rammeverket som skal støtta kommunane i anskaffing av journalsystem. Målet med gjennomgangen har vore å sikra at innhaldet er oppdatert, relevant og tilpassa dei behova kommunane står overfor i ei tid med aukande digital transformasjon av kommunale tenester.

Gjennomgangen av felles rammer og oppfordringar har resultert i ei utviding og forbetring av rammeverket. I den oppdaterte versjonen er dei eksisterande oppfordringane meir utførleg skildra, med betre kontekst. Samstundes er det lagt til fleire nye område som speglar den teknologiske utviklinga og endringar i behovet til kommunane.

Eit av dei nye temaa som nå er løfta inn i rammeverket, er bruk av kunstig intelligens. Dette blir framheva som eit viktig område som både opnar for nye moglegheiter og stiller krav til ansvarleg og gjennomtenkt bruk i kommunal sektor.

Har du innspel til rammeverket?

Alle interessentar av felles rammer og oppfordringar kan melda inn endringsinnspel og behov for oppdateringar av dokumentet. Det skal vera lett å melda innspel, og det blir nå etablert ein innmeldingskanal på KS si nettside for temaet Lenke til et annet nettsted.. Innspela som blir mottatte vil bli behandla av ekspertgruppa.

Felles rammer og oppfordringar er eit dokument med mange brukarar og interessentar. Det er derfor behov for ei føreseielegheit på oppdateringar. Oppdatert vil skje to gonger årleg, datoar vil bli annonserte på ks.no.