Ny nasjonal oversikt over krav og godkjenninger for helseteknologi

For tida er nærare 170 kommunar i gang med å skaffa nye pasientjournalar gjennom store, felles anskaffingar over heile landet. For kommunane er det spesielt viktig med ei slik oversikt.

Oversikta er laga i samarbeid med KS, Norsk helsenett og Folkehelseinstituttet. Helsenæringa og andre aktørar har òg bidrege med viktige innspel. Du finn knapp med lenke til oversikta nedst i artikkelen.

Oversikta skal vidareutviklast over tid

I første omgang har Helsedirektoratet prioritert å samla krav og godkjenningsprosedyrar knytte til integrasjon med samhandlingstenester, nasjonale e-helseløysingar og helseregister, og krav til informasjonstryggleik og personvern.

I tillegg blir det gitt oversikt over leverandørar som har godkjende integrasjonar til nasjonale e-helseløysingar og helseregister.

Les meir på denne sida til helsedirektoratet. Lenke til et annet nettsted, åpnes i nytt vindu.

Innhald i oversikta: ​

• Krav til integrasjonar med nasjonale e-helseløysingar og samhandlingstenester​
• Obligatoriske og tilrådde standardar for digital samhandling ​
• Krav for innrapportering til helseregister​
• Krav til informasjonstryggleik og personvern​
• Oversikt over system med godkjende integrasjonar ​
• Informasjon om vurdering av programvare som medisinsk teknisk utstyr ​
• Komande krav frå EHDS ​
• Kontaktpunkt hos Helsedirektoratet, Norsk helsenett, FHI og DMP relatert til krav og godkjenningar for helseteknologi