KommIT‑rådet støttar nasjonal satsing på felles tenester for eigedomsregisteret

Prosjektet omfattar utvikling av eit nasjonalt, standardisert avtaleregister for eigedom som første byggestein. Registeret blir tett integrert med KS Digitals tenesteplattform og skal samle avtalar, gebyrgrunnlag og sentrale data på ein felles måte for kommunar og fylkeskommunar.

I prosjektskildringa heiter det:

Satsingsforslaget medfører at fylker- og kommuner etablerer datagrunnlag og grensesnitt med bruk av felleskomponenter på KS Digitals tjenesteplattform – og ikke i hvert enkelt fagsystem. Dette blir førende for videre utvikling, anskaffelser og forvaltning på området.

Satsingsforslaget er ikke innrettet som en tilleggstjeneste for kommunene, men som et retningsvalg for hvordan området skal standardiseres fremover.

Første fase av prosjektet varer i tolv månader og omfattar utvikling av ein minimumsversjon av avtaleregisteret, pilotering i Oslo kommune og minst éin annan kommune, samt etablering av tekniske grensesnitt og datamodellar.

I dag er eigedomsdata spreidde på fleire system og kjelder. Dette skaper ulik praksis, meir manuelt arbeid og utfordringar i integrasjonar mellom fagsystem. Eit felles, nasjonalt register vil gi betre oversikt, meir samanhengande arbeidsflyt og høgare datakvalitet, samtidig som kommunane unngår dobbeltarbeid. Leverandørmarknaden er òg i endring, og fleire systemleverandørar har ikkje direkte tilgang til matrikkeldata. Dette gjer vidare digital utvikling krevjande både for kommunane og leverandørane.

Frikjøp av fagperson til prosjektet Eiendomsavtaler
KS Digital har starta utviklingsarbeidet saman med Oslo kommune, med mål om å etablere eit felles register for eigedomsavtalar. For å sikre brei forankring og gode løysingar søkjer KS Digital no etter ein fagperson som kan matrikkel og gebyrhandtering i kommunen, som kan frikjøpast til prosjektet. Dei ønskjer òg referansekommunar og pilotkommunar som vil bidra i utviklinga. Særleg mindre kommunar er interessante for å sikre at løysinga fungerer godt for kommunesektoren som heilskap.

Registeret skal gjerast tilgjengeleg via FIKS-plattformen Lenke til et annet nettsted, åpnes i nytt vindu., med standardiserte grensesnitt som legg til rette for vidare utvikling og brei bruk i sektoren.

Meir informasjon:

• Om satsinga: Register for eigedomsavtalar – KS Digital Lenke til et annet nettsted.
• Teknisk beskriving: FIKS Eiendomsavtaler Lenke til et annet nettsted.
• Utlysning av frikjøpsressurs: KS Digital søker fagperson frå kommune-Norge Lenke til et annet nettsted, åpnes i nytt vindu.