Barnevernstekstar i klart språk kan spare kommunane tid og pengar

Tekstane er utarbeidde saman med barnevernsleiarar, saksbehandlarar og juristar frå kommunar i heile landet – frå små til store. Her deltek mellom anna Rakkestad, Vefsn og Sola, saman med større bykommunar som Bergen, Trondheim og Kristiansand.

Dette breie samarbeidet gir solid forankring både fagleg og språkeleg, og viser kor mykje styrke som ligg i å utvikle løysingar i fellesskap. For kommunane i DigiVestland betyr dette moglegheit for meir effektiv og lik praksis, uavhengig av om barnevernet ligg i ein liten bygd eller i ein større bykommune.

Bufdir bidreg med faglege innspel

Bufdir har gitt vurderingar og tilbakemeldingar undervegs i utviklingsarbeidet. I tillegg har dei laga eit eige informasjonsskriv Lenke til et annet nettsted, åpnes i nytt vindu. om barnevernet på fleire språk, som kommunane fritt kan ta i bruk i dialogen med familiar og barn.

Klart språk kan gi store økonomiske gevinstar

Det er svært lønsamt å investera i klart språk. Ei effektmåling gjort av Menon Economics viser at offentleg sektor med stor tryggleik vil få ei avkasting på 30 til 300 prosent ved å investera i klarspråksarbeid. Her kan du lese rapporten fra Menon Economics Lenke til et annet nettsted, åpnes i nytt vindu..

Ønskjer du å rekna ut kor mykje kommunen din kan spara på å jobba med klart språk? Ein kalkulator utarbeidd av Menon på vegne av KS bereknar kostnader og gevinstar knytt til klart språk. Du finn kalkulatoren på denne siden Lenke til et annet nettsted, åpnes i nytt vindu..

Bli med på Klarspråk 2026

Ønskjer du inspirasjon, nyttig hjelp og konkrete tips om klarspråk – anten du er kommunikasjonsrådgjevar, innhaldsdesignar, sakshandsamar eller leiar - meld deg på Klarspråkkonferansen vår!