Innspel til Helsereformutvalget: Digitalisering, samhandling og vidare veg for kommunesektoren

Helsereformutvalet greier ut korleis helse- og omsorgstenestene kan bli meir samanhengande og berekraftige. Som del av dette arbeidet har utvalet bede KS om konkrete råd om styring, organisering og finansiering av digitaliseringsarbeidet i sektoren.

KS har derfor utarbeidd eit fagleg underlagsnotat og eit underveisinnspill som samanfattar status, utfordringar og føreslåtte grep for digitalisering og samhandling mellom kommunesektoren og spesialisthelsetenesta. Det endelege innspelet frå KS kjem til sommaren.

KommITrådet skal 13. mars behandla KS sitt utkast til innspel Lenke til et annet nettsted. før oversending til Helsereformutvalget. Føremålet er å sikra ei felles og tydeleg kommunesektorposisjon før vidare arbeid.

Bakgrunn for saka

Kommunesektoren står i dag i ein pressa situasjon med personellmangel, demografiske endringar og stramme økonomiske rammer. Dokumenta peikar på at digitalisering har eit stort potensial til å letta pressa, men at gevinstane ikkje blir i tilstrekkeleg grad tatte ut.

Hovudpunkt i utkastet frå KS

I utkastet løftar KS fram elleve hovudpunkt som bør liggja til grunn for det vidare arbeidet:

1. Digitaliseringsansvaret må følgja sørgjeforansvaret, slik at kvar verksemd eig digitaliseringa som støttar eigne tenester.
2. Digitale samhandlingsløysingar må forvaltast nasjonalt, brukast av alle og tilby støtte til innføring og insentiv som gjer deling lønsamt.
3. Kommunal sektor må sikrast reell og tidleg innflytelse i tråd med samstyringsprinsippa.
4. Roller og ansvar i statleg sektor må tydeleggjerast, og det nasjonale digitaliseringsarbeidet må samordnast betre.
5. Insentiv til samarbeid må styrkjast, inkludert betre finansieringsordningar og samfinansiering.
6. Regulatoriske hindringar for samhandling må fjernast, og rammene for datadeling må gjerast tydeleg.
7. God samhandling krev ikkje éin felles journal, men nasjonale samhandlingstenester og standardiserte løysingar.
8. Det trengst ein meir strategisk dialog med leverandørmarknaden, for betre kvalitet, innovasjon og føreseielegheit.
9. Digitalisering må i større grad støtta effektivisering, med vekt på løysingar som reduserer behovet for personell.
10. Vellykka prosjekt må kunna skalerast betre, med strukturar og metodar som løftar lokal innovasjon til nasjonalt nivå.
11. Digital kompetanse og omstillingsevne må styrkjast, og nye system må vera brukarvenlege og enkle å ta i bruk.

Oppfordringane samla

Saka som skal drøftast i KommITrådet, løftar fram følgjande overordna oppfordringar frå KS:

• tydelegare nasjonal styring, roller og ansvar

• sterkare kommunal innflytelse i nasjonalt og regionalt digitaliseringsarbeid

• betre finansiering og insentiv for innføring og bruk av teknologi

• forenkling av nasjonale råd og utval

• meir brukarvenlege og samhandlingsretta løysingar

• teknologi som avlastar helsepersonell og styrkjer effektiviteten

Samla peikar utkastet på at kommunesektoren allereie har etablert sterke strukturar og omfattande samarbeid som gir resultat. For å sikra ein berekraftig helse- og omsorgsteneste må staten og kommunane i større grad samhandla, prioritera og koordinera innsatsen. Hovudbodskapet er tydeleg: Det er nødvendig å behalda dagens struktur, styrkja samhandlinga, fullføra pågåande tiltak og realisera gevinstane, slik at kommunar og fylkeskommunar kan levera berekraftige tenester og vera gode samarbeidspartnarar for spesialisthelsetenesta.

Innpelet er no sendt til Helsereformutvalet (Oppdatering 23. mars)

Under finn du KS sitt innspel til Helsereformutvalet om koordinering, samordning og utvikling av digitaliseringsarbeidet i helse- og omsorgstenestene.

Innspelet er no sendt til Helsereformutvalet. Det er òg delt med Kommunekommisjonen samt innovasjons- og samskapingsutvalet.