Kommunane etterlyser nasjonal digital løysing for HC‑kort

Kommunane peikar på tydelege behov

Kvam herad har teke kontakt med DigiVestland om utfordringar knytt til dagens administrasjon av HC‑kort (parkeringstillatelse for forflytningshemma). Ordninga er i dag prega av manuelle prosessar som tek mykje tid og bind opp kapasitet i kommunane. Kvam ønskjer difor å undersøke om det finst initiativ for å effektivisere arbeidet – gjerne etter modell av den nasjonale løysinga for Digitalt ledsagerbevis.

Fleire kommunar i DigiVestland, andre digi‑nettverk og kommunar utanfor samarbeidet støtter behovet, og har gitt tilbakemelding om at dagens praksis er tungvint og ressurskrevjande. Det blir og etterlyst tydelegare retningslinjer for tildeling av HC‑kort.

Kommunane ønskjer ei løysing som reduserer manuelle prosessar, styrkar kvalitet og rettstryggleik, og gir betre brukervennlighet for innbyggjarane.

DigiVestland har løfta kommunane sine behov vidare til KS

På vegner av kommunane i samarbeidet har DigiVestland utarbeidd ei sak som er send til KS for behandling i Digitaliseringsutvalget (DU). Saken løftar spørsmålet om KS Digital, i samarbeid med kommunane og relevante aktørar, kan bidra til å utvikle eit konsept for ei nasjonal digital løysing for tildeling og administrasjon av HC‑kort.

I drøftingane er det naturleg å sjå nærare på juridiske rammar, tekniske moglegheiter og gevinstar for ei eventuell løysing. Det bør òg undersøkjast om modellen for Digitalt ledsagerbevis kan vere relevant også for HC‑kort.

Eitt av forslaga til vegen vidare, som DigiVestland føreslår i saka til DU, er å etablera eit forprosjekt som kartlegg dagens praksis, dei juridiske rammene og dei tekniske moglegheitene. I tillegg bør det òg undersøkjast om modellen for Digitalt ledsagerbevis kan gjenbrukast og tilpassast HC‑kort.

Kommunane framhevar fleire digitaliseringsbehov

I tillegg til arbeidet med HC‑kort har fleire kommunar også peikt på andre område der det er behov for felles innsats og betre digitale løysingar. Eitt av oppspela gjeld digitalisering av prosessar knytt til støttekontaktordninga. Dette omfattar mellom anna behov for felles løysingar for saksbehandling, behovserklæringar, timelister og rapportering av utførte oppdrag, samt verktøy for rekruttering og administrasjon av støttekontaktar. Arbeidet er i dag spreidd på ulike fag- og tenesteområde, og kommunane etterlyser meir heilskaplege og effektive digitale løysingar.

Eit anna område som er løfta fram, er manglande systemstøtte for planlegging, gjennomføring og oppfølging av vernerundar. I dag handterer kommunane dette på ulike måtar, ofte gjennom manuelle prosessar eller lokale verktøy, noko som gjer det krevjande å sikre oversikt, struktur og systematikk.

I tillegg har kommunane peikt på behovet for ein felles digital samarbeidsplattform for kommunalt tilsette. I dag skjer deling av erfaringar og kompetanse ofte tilfeldig gjennom e‑post, Teams‑grupper, Facebook‑forum eller uformelle nettverk. Dette fører til at verdifull kunnskap blir verande lokalt, og at mange kommunar utviklar parallelle løysingar på dei same utfordringane. Som svar på dette blir KommuneForum foreslått som ein trygg, søkbar og strukturert digital samarbeidsarena – bygd på, eller integrert med, FIKS‑plattformen under KS Digital – der kommunetilsette kan stille spørsmål, dele malar og lære av kvarandre på tvers av fagområde.

Sekretariatet i DigiVestland følgjer opp desse innspela vidare og er i dialog med KS, KS Digital og andre relevante nasjonale aktørar. Dersom behova får brei støtte frå fleire kommunar og digi‑nettverk, kan dei òg bli løfta som eigne saker nasjonalt.