KS samlar støtte og verktøy for digitalisering i 2026

Samarbeid er avgjerande

KS oppfordrar kommunane til å samarbeide om digitalisering gjennom dei regionale diginettverka, IKT‑samarbeid og innkjøpsfellesskap. KS jobbar samtidig med å klargjere roller og oppgåvefordeling mellom ulike aktørar slik at kommunane kan bruke ressursane sine best mogleg.

Personvern og trygg digitalisering

I 2026 kjem ei ny støtteteneste for personvern, informasjonssikkerheit og universell utforming i skule og barnehage. KS har òg utvikla eit rammeverk for trygg digitalisering, der første teneste skal hjelpe kommunane med sikkerheitsvurderingar av velferdsteknologi.

Digital samhandling i helse

Den nasjonale kommunale porteføljen gir oversikt over både utvikling og innføring av digitale helseløysingar. I 2026 er mellom anna pasientens legemiddelliste, journaldokument, prøvesvar og digitalt helsekort for gravide prioriterte. Det blir òg jobba vidare med velferdsteknologi og felles leverandørdialog på EPJ‑området.

Enkel oversikt over fellesløysingar

Eit eige vedlegg viser verktøy og tenester innan plan og bygg, oppvekst og helse/sosial – både dei som er klare, og dei som kjem i 2026–2027. KS Digital tilbyr òg ei visualisering av kva fellestenester kvar kommune bruker.

Invitasjon til innspel og dialog

KS ønskjer innspel frå kommunane om kva dei treng meir kunnskap om. Dei minner òg om

• eKommune‑konferansen 16.–17. april Lenke til et annet nettsted, åpnes i nytt vindu.
• månadlege morgonwebinar om aktuelle digitaliseringstema Lenke til et annet nettsted, åpnes i nytt vindu.
• arrangement og nyheitsbrev frå KS Digital Lenke til et annet nettsted, åpnes i nytt vindu.
• ressursar og kompetanse gjennom dei regionale diginettverka
• verktøy og kurs som blir tilgjengelege gjennom KS sitt medlemskap i Digital Norway Lenke til et annet nettsted, åpnes i nytt vindu.