Kva er KS sin samstyringsstruktur og korleis jobbar den for kommuna di?

Kva er samstyringsstrukturen?

Samstyringsstrukturen er ein struktur for å samordne digitaliseringsarbeidet i kommunal sektor. Landstinget vedtok i 2020 å styrke denne strukturen for å gi betre koordinering, sterkare kompetanse og raskare spreiing av felles digitale løysingar. Strukturen skal òg støtte kommunane i å ta i bruk nasjonale fellesløysingar i tråd med regjeringa si digitaliseringsstrategi.

Strukturen består av KommIT-rådet, Digitaliseringsutvalget (DU), Fag- og prioriteringsutval og Fagråd. Desse råda og utvala gir KS råd og rettleiing i ei rekke saker, alt frå kva for nokre nye fellesprosjekt kommunal sektor skal gjennomføra til interessepolitiske saker og utforming av retningslinjer.

DigiVestland er aktiv i denne strukturen, og har representantar i alle fag- og prioriteringutvala og fagråda. Faggruppene i DigiVestland speglar i stor grad den nasjonale strukturen og skal vera eit bakland for representatene som sit i dei nasjonale råda. Dette gir små og mellomstore kommunar, så vel som større bykommunar, eit reelt høve til å påverke og å få raskt innspel fra KS på det dei står i.

KommIT‑rådet

KommIT‑rådet er KS sitt strategiske rådgjevande organ for digitalisering i kommunesektoren. Det blei etablert i 2015 for å styrke KS sitt arbeid med digitalisering og for å mobilisere den store kompetansen som finst i kommunar og fylkeskommunar.

Rådet består av toppleiarar frå heile kommunesektoren. Dei arbeider for betre samordning, utvikling av fellesløysingar og for å ivareta kommunesektoren sine interesser når staten set retning for digitalisering.

Rådet gir sine råd direkte til administrerande direktør i KS. Det møtest 6–8 gonger i året, og KS førebur sakene. Frå Vestland deltar Kjetil Århus.

Her kan du lesa saker til KommIT-rådet. Lenke til et annet nettsted, åpnes i nytt vindu.

Digitaliseringutvalet (DU)

Utvalet er eit saksførebuande organ for KommIT‑rådet og ein pådrivar for digitaliseringsarbeidet i kommunesektoren. Utvalet følgjer årsplanen til KommIT‑rådet, men møtest oftare – gjerne 1–2 gongar i månaden. DU blir brukt av KS når saker treng brei fagleg vurdering eller tett oppfølging.

På nettsida til KS kan du lesa meir om DU. Lenke til et annet nettsted, åpnes i nytt vindu.

Fag- og prioriteringsutval og fagråd

KS har etablert ei rekke fag- og prioriteringsutval på digitaliseringsområdet. Målet er å oppnå ein tett og løpande dialog på tenestenivå for å identifisera felles behov og betre kunne prioritera mellom dei. Det er så langt etablert fag- og prioriteringsutval på følgjande område: e-helse Lenke til et annet nettsted, åpnes i nytt vindu., skole og oppvekst Lenke til et annet nettsted, åpnes i nytt vindu., teknisk Lenke til et annet nettsted, åpnes i nytt vindu. og sosial og velferd Lenke til et annet nettsted, åpnes i nytt vindu..

DigiVestland har representantar i alle desse utvala, og faggruppene i samarbeidet bidreg med innspel og vurderingar til desse representantane.

KS har óg eigne fagråd for personvern og informasjonstryggleik Lenke til et annet nettsted, åpnes i nytt vindu. og verksemdsarkitektur Lenke til et annet nettsted, åpnes i nytt vindu.. Desse består av ekspertar frå kommunar og fylkeskommunar som kvalitetssikrar nye fellesprosjekt.

Kvifor er dette viktig for kommunane i DigiVestland?

Digitalisering krev både kapasitet, kompetanse og gode strukturar. Samstyringsstrukturen gir kommunane i Vestland ein trygg og koordinert måte å delta i det nasjonale digitaliseringsarbeidet på. DigiVestland fungerer som bindeledd mellom kvar enkelt kommune og KS. Dette gir kommunane større moglegheit til å påverke nasjonale retningar og sikrar samtidig at dei får innsikt i og tilgang til dei digitale økosystema KS utviklar, som KS Digital, Norsk helsenett og Digitaliseringsdirektoratet sine løysingar. [digivestland.no] Lenke til et annet nettsted.

For dei mindre kommunane – som kanskje ikkje har store team innan digitalisering – er dette ekstra viktig. Samarbeidet gir dei tilgang til kompetanse, erfaringar og felles vurderingar som elles ville vore vanskeleg å bygge åleine. Difor er samarbeidet i DigiVestland ikkje berre ein organisasjonsmodell, men ein måte å sikre at alle kommunar i fylket står sterkare og likare rusta i møte med dei digitale krava frå staten og innbyggjarane.

Kommunale behov løfta fram gjennom DigiVestland

DigiVestland har over fleire år vore ein aktiv pådrivar overfor KS og har løfta fram behov som er felles for kommunane i regionen. Gjennom systematisk arbeid har samarbeidet bidrege til å gi retning til fleire nasjonale satsingar på digitalisering. Under følgjer tre døme på område der DigiVestland har spelt ei sentral rolle:

Min Side / KS Min kommune
Arbeidet med Min Side – no kalla KS Min kommune – oppstod i utgangspunktet frå eit konseptforslag utvikla av dei første kommunane i Vestland-samarbeidet. DigiVestland synleggjorde behovet for ei felles, nasjonal inngangsport for innbyggartenester, noko som vart ein viktig premiss for vidare utvikling av løysinga.

FIKS folkeregister
Då Skatteetaten endra forvaltningsmodellen for tilgang til folkeregisteropplysningar, peika DigiVestland på at kommunane trong ei trygg, effektiv og standardisert løysing. Dette resulterte i idéen om FIKS folkeregister, som KS utvikla vidare. Løysinga er i dag ein del av Fiks register og utgjer ei sentral kjelde til kvalitetssikra persondata for kommunane.

Digitalisering av HC‑kort-prosessen
Initiativet om å effektivisere prosessen for tildeling og administrasjon av parkeringstillatelse for forflyttingshemma (HC‑kort) kom frå Kvam kommune, og fekk raskt støtte frå dei andre kommunane i DigiVestland. DigiVestland har i mars sendt eit forslag til saksframlegg til Digitaliseringsutvalet til KS der formålet er å drøfte om det bør setjast i gang eit forprosjekt for å greie ut moglegheita for ei nasjonal digital fellesløysing. Ei slik løysing kan gi betre brukartenester, redusert saksbehandlingstid og meir einskapleg praksis på tvers av kommunar.

Har din kommune utfordringar eller behov som bør løysast i fellesskap? Ta kontakt med sekretariatet i DigiVestland.