Er din kommune klar for ny teneste for eigedomsskatt for vasskraftanlegg?

Ny teneste i Fiks register frå hausten 2026

Den nye tenesta gjer det mogleg for kommunane å hente eigedomsskattegrunnlag for vasskraftanlegg digitalt i Fiks register. Opplysningane kan hentast i nettløysinga, og det blir òg gjort tilgjengeleg eit ope API slik at kommunale fagsystem kan hente dei same opplysningane.

Skatteetaten sluttar samstundes å dele skattegrunnlaget som rekneark gjennom Altinn, og vil frå hausten 2026 dele opplysningane digitalt gjennom ei modernisert løysing (API).

Dette må kommunen gjere no

For at KS Digital skal kunne hente og dele opplysningane vidare til kommunen, må kommunen delegere tilgang i Altinn til aktuelle API‑ar hos Skatteetaten.

Delegeringa må gjerast av ein tilsett med rett rolle i Altinn. Dette vil vanlegvis vere kommunedirektør eller dagleg leiar.

Tilgangen skal delegerast til:
Organisasjonsnummer: 971 032 146 (KS Digital)

Rettar som skal delegerast:

• Eigedomsskattegrunnlag for vasskraftanlegg API – På vegner av
• Berekningsgrunnlag vasskraftanlegg API – På vegner av

Det er ikkje nødvendig for kommunen å sende inn ei eiga påkoplingsførespurnad. KS Digital handterer påkoplinga på vegner av kommunane.

Når delegeringa er på plass, vil kommunen automatisk få tilgang til eigedomsskattegrunnlaget når løysinga blir tilgjengeleg.

Innsyn i berekningsgrunnlaget

I dag må kommunane be om innsyn i berekningsgrunnlaget direkte frå Skatteetaten etter gjeldande rutinar. Dette innsynet vil bli gjort tilgjengeleg hos KS Digital som ein del av Fiks register frå hausten 2027.

Ingen ekstra kostnad for kommunar som brukar Fiks register

For kommunar som allereie brukar Fiks register for andre kommunale tenester, vil tilgangen til eigedomsskattegrunnlag for vasskraftanlegg ikkje medføre ekstra kostnader.

Rettleiing i Altinn

Altinn har laga ei eiga rettleiing for korleis ein delegerer API‑tilgang til KS Digital. Denne ligg tilgjengeleg på Altinn sine nettsider. Lenke til et annet nettsted, åpnes i nytt vindu. Ved å delegere tilgang i Altinn no, kan kommunen vere trygg på at tilgangen er på plass når den nye tenesta i Fiks register blir lansert hausten 2026.

Denne saken er basert på to artiklar frå KS Digital, ein frå februar Lenke til et annet nettsted, åpnes i nytt vindu. og ein frå april Lenke til et annet nettsted, åpnes i nytt vindu..