Slik skriv du gode politiske saksframlegg

Målet med FoU-prosjektet har vore å utvikle konkrete verktøy som gjer det enklare å skrive gode politiske saker. No ligg resultata klare i form av ein innsiktsrapport, ein mal for politiske saksframlegg, eksempeltekstar og eit eige nettkurs på KS Kunnskap.

Gratis nettkurs opent for alle

Nettkurset er gratis og opent tilgjengeleg for alle som skriv saker til politisk behandling. Her får deltakarane ei innføring i:

• rolla som saksbehandlar
• kva som kjenneteiknar gode saksframlegg
• korleis ein gir politikarane eit godt beslutningsgrunnlag
• korleis ein skriv klart og forståeleg

Kurset ligg i den opne kurskatalogen til KS Kunnskap Lenke til et annet nettsted, åpnes i nytt vindu.. Det kan også takast gjennom KS kunnskap Lenke til et annet nettsted, åpnes i nytt vindu.. Når du er innlogga søkjer du opp kurset i Felles kurskatalog. Då kan de ta ut statistikk og følgja det opp som eit kompetansetiltak i eigen organisasjon.

Samla ressursar på éin stad

I tillegg til nettkurset er det samla fleire ressursar frå prosjektet på nettsida til KS Lenke til et annet nettsted, åpnes i nytt vindu.. Her finn ein både FoU-rapporten, malen for saksframlegg, eksempel på gode tekstar og lenke til kurset. Til saman gir dette eit breitt og praktisk retta grunnlag for alle som jobbar med politiske saker i kommunesektoren. Målet er enklare prosessar, tydelegare språk og betre grunnlag for politiske vedtak.