Vil endre kommunane frå innsida

I haust rullar det av gårde med siste runde av Kompetanseløft digital transformasjon, DigiVestlands største satsing på digital omstilling for kommunale leiargrupper. Allereie har 12 av 15 medlemskommunar har gjennomført eller skal gjennomføra programmet, og fleire viser no til konkrete resultat i eigen organisasjon. No er siste sjanse for medlemskommunane til å bli med på løftet.

Storsatsing på digital transformasjon

Kompetanseløft digital transformasjon er Ikkje eit leiarseminar, her arbeidast det med reell endring. Kommunane byggjer eigne KI-løysingar, utviklingsprogram og nettverk for endringsagentar.

Det som starta som ei felles satsing for å styrkje kompetansen til leiargrupper, har i fleire kommunar utvikla seg til omfattande endringsarbeid som involverer heile organisasjonen.

Med 12 av 15 kommunar om bord er kompetanseløftet blitt ei av dei største felles satsingane på leiarutvikling i kommunal sektor på Vestlandet.

Målet er å gi kommunane kompetanse, verktøy og metodar for å møte stadig større krav til omstilling, digitalisering og innovasjon. Samstundes får kommunane moglegheit til å lære av kvarandre og utvikle eit felles språk for digital transformasjon.

I dei første rundane handla mykje om å byggje forståing og retning i leiargruppene. No ser vi stadig fleire døme på at arbeidet faktisk blir omsett til konkrete tiltak og nye arbeidsmåtar ute i tenestene.

Frå plan til handling

Alver, Askøy og Øygarden er blant kommunane som har teke arbeidet vidare etter kompetanseløftet.

I Askøy har leiinga brukt erfaringane frå programmet til å gjennomføre eit liknande kompetansehevingsprogram for alle einingsleiarane, parallelt med arbeid med å kartleggje status, definere mål og etablere ei meir strukturert tilnærming til digital omstilling.

Øygarden har starta omstillingsprogrammet Øygarden pluss for å konsentrere innsatsen og prioritere dei riktige endringsprosjekta i tenestene. Kommunen samarbeidar med Askøy for å gje alle leiarar kompetanseheving.

Alver har etablert både ei eiga utviklargruppe og eit internt utviklingsprogram for å drive arbeidet framover.

Kommunen har òg tatt i bruk den generative KI-plattforma «Veten», som er utvikla av DigiNH og IKT Nordhordland. Målet er å gi kommunane i regionen tilgang til kunstig intelligens med betre datakontroll, høgare tryggleik, lågare kostnader og fleire mogelegheiter med kopling til eigne fagsystem.

Plattforma blei lansert i mai og er no tilgjengeleg for 15 kommunar, og fleire konkrete prosjekt er allereie i gang, mellom anna innan tale-til-tekst, saksbehandling og innsyn.

Endring heilt ut i organisasjonen

Erfaringane frå kommunane viser at kompetanseløftet fungerer best når det ikkje stoppar i leiargruppa.

For å støtte vidare implementering er satsinga no utvida med eit eige «Train the Trainer»-program. Her blir endringsagentar rusta til å hjelpe kommunane med å ta arbeidet vidare ut i organisasjonen og skape varige endringar i arbeidsmåtar og tenester.

Fleire kommunar er allereie i gang med deltakarar som jobbar med konkrete utviklingscase i eigen organisasjon. Samstundes har kommunane bestilt etablering av eit regionalt nettverk for endringsagentane, slik at erfaringar og metodar kan delast på tvers.

Dersom interessa held fram, vil DigiVestland også gjennomføre ei ny runde med «Train the Trainer»-kurset våren 2027.

Eit felles løft som gir meir verdi

Tilbakemeldingane frå deltakarane er gjennomgåande gode. Kommunane trekkjer fram verdien av å få tilgang til kompetanse, verktøy og erfaringar som ville vore både kostbart og tidkrevjande å utvikle kvar for seg.

Når siste runde av kompetanseløftet no startar i september, er målet framleis det same: å gi kommunane styrke til å gjennomføre digital transformasjon i praksis – og skape betre tenester for innbyggjarane.

Kontakt