E-helse
Aktuelt

Nytt oppdragsbrev styrker samarbeidet om e‑helse i Vestland

Illustrasjon som viser en oversikt over sentrale områder innen digitalisering av helse- og omsorgstjenester. Grafikken fremhever temaer som felles journalløft, kunstig intelligens, helsekort for gravide, pasientens legemiddelliste, journalnotater, kjernejournal, e‑resept, samhandlingstjenester, kritisk informasjon, prøvesvar, måledata og beredskap.

Digitalisering innen helse- og omsorg der tilgang til helseinformasjon i sanntid, tilpasset kommunenes behov, er avgjørende (illustrasjon KS e-helse)

KS har no sendt oppdragsbrev for 2026 om innføring av helseteknologi og prioriterte samhandlingstiltak i kommunal sektor. Oppdragsbrevet gir nasjonale føringar for arbeidet i alle dei regionale diginettverka, og set rammene for korleis kommunesektoren skal samarbeide om utprøving, innføring og gevinstrealisering av helseteknologi og digitale samhandlingstenester.

Faktaboks: Kva er oppdragsbrevet?

Oppdragsbrevet er eit årleg styringsdokument som beskriv mål, prioriteringar og forventningar til arbeidet med e‑helse i kommunal sektor, og korleis innføringa av helseteknologi og samhandlingstenester skal skje gjennom nettverk og felles modellar.

Arbeidet er finansiert gjennom Helseteknologiordninga, der KS forvaltar midlane på vegner av Helsedirektoratet. KS er formell tilskotsmottakar og oppdragsgjevar, og har ansvar for rapportering og økonomisk oppfølging overfor Helsedirektoratet. Dei regionale diginettverka, inkludert DigiVestland, utfører oppdraget på vegner av KS og er underlagt dei same resultatmåla som KS.

Midla i oppdragsbrevet er øyremerkte nettverksarbeid, frikjøp av kommunale ressursar og deltaking i nasjonale og regionale utprøvings‑ og innføringsløp. Midlane kan ikkje nyttast til kjøp eller utvikling av programvare eller teknisk utstyr.

Finansiering og ansvar i Vestland

For Vestland er ramma for 2026 sett til 3,595 millionar kroner, opp frå 3,190 millionar kroner i 2025. Dette svarar til ein auke på 405 000 kroner (12,7 %).

Bergen kommune v/DigiVestland held fram som vertskommune for oppdraget i 2026, og har ansvar for at dei tildelte midlane blir brukte i tråd med føringar, aktivitetar og mål i oppdragsbrevet.

Felles modell for utprøving, innføring og nettverk e‑helse

Alt arbeid i 2026 skal støtte felles modell for utprøving, innføring og KS nettverk e‑helse, som består av tre hovuddelar:

1. Felles utprøvingsløp

Utprøvingsløpa skal sikre at nye digitale løysingar møter reelle kommunale behov, støttar arbeidsprosessar og gir nytte før brei innføring. Dette omfattar mellom anna koordinering av kommunar i felles utprøvingar, etablering av samarbeidsavtalar og bruk av eit felles rammeverk for utprøving.

2. Felles innføringsløp

KS tilrår innføringsklare løysingar som kan takast i bruk gjennom ulike typar felles innføringsløp, mellom anna nasjonale, regionale, delvis nasjonale og rettleia innføringar, samt «gjer‑det‑sjølv»-løp.

Ved inngangen til 2026 er det planlagt felles innførings‑ og utprøvingsløp for mellom anna:

DigiHelsestasjon Lenke til et annet nettsted, åpnes i nytt vindu.
Velferdsteknologisk knutepunkt Lenke til et annet nettsted, åpnes i nytt vindu. (VKP)
Heilskapleg tenestemodell Lenke til et annet nettsted, åpnes i nytt vindu. (HTM)
Kommunen si sjukdomsoversikt Lenke til et annet nettsted, åpnes i nytt vindu. (KoSy)
Ny funksjonalitet i Kjernejournal Lenke til et annet nettsted., inkludert pasienten sine journaldokument og prøvesvar
Pasienten sin legemiddelliste
Digitalt helsekort for gravide Lenke til et annet nettsted, åpnes i nytt vindu.

Innføring skjer på kommunane sine eigne premissar og i tråd med lokale prioriteringar, men innanfor ei nasjonalt koordinert modell.

3. KS nettverk e‑helse

For 2026 blir arbeidet i regional gruppe e‑helse vidareført og styrkt, finansiert gjennom oppdragsbrevet. I kvar region skal gruppa bestå av tre roller:

Regional kontaktperson e‑helse
Utprøvings‑ og/eller innføringsleiar(ar)
Nettverksressursar e‑helse

Ressursane skal bidra både regionalt og nasjonalt, og deltaking i nasjonale arbeidsgrupper og fellestiltak skal prioriterast.

Samla innsats: frå planlegging til praktisk innføring

Nettverksmidlane blir nytta for å bygge og vidareutvikle regionale samarbeidsstrukturar innan e‑helse i Vestland. I den felles nasjonale modellen er det etablert regionale grupper for e‑helse knytte til digitaliseringsnettverka i kvart fylke, for å samle kompetanse og styrke koordinering og kontakt med kommunane. I Vestland er dette E‑helseteamet som har ei rolle som både taktisk, koordinerande og operativ aktør.

Det taktiske arbeidet handlar om å omsetje nasjonale mål til regionale planar og prioriterte tiltak som gir retning og framdrift i fylket.

Den koordinerande rolla handlar om å sikre samanheng i aktivitetane, god informasjonsflyt og samordning mellom kommunane, helseføretaka og nasjonale aktørar. Oppdraget omfattar òg å bidra med behovsoversikter, faglege vurderingar, risikovurderingar og gevinstarbeid, og å peike ut kommunar som er klare for utprøving og innføring.

På operativt nivå skal kommunane få støtte i sjølve innføringa, mellom anna gjennom felles innføringsløp, erfaringsdeling, kompetanseheving og utvikling av beste praksis. Dette er i tråd med målsetjinga om høgare gjennomføringskraft og raskare utbreiing av prioriterte løysingar.

Regionalt E‑helsenettverk – alle kommunar er med

Regionalt E‑helsenettverk er ei sentral fagleg og koordinerande arena i gjennomføringa av oppdraget. Nettverket samlar kommunane sine behov, prioriteringar og erfaringar, og støttar arbeidet med felles innføringsløp og kunnskapsdeling.

I Vestland er alle kommunane representerte i Regionalt E‑helsenettverk. Nettverket bidrar til regional forankring og samordning, og legg til rette for at kommunane kan samarbeide tettare om innføring av helseteknologi og samhandlingstenester.