• E-helse
  • Aktuelt

Frikjøp av ressursar til tre arbeidsgrupper innan e‑helse i DigiVestland

Søknadsfrist: 25. mars 2026
Oppstart: snarast mogleg

Kommunane i Vestland står framfor viktige løft innan e‑helse – og no treng vi dykk som vil vere med å forme framtidas digitale helsetenester. Gjennom tre målretta tiltak skal vi styrkje innbyggjarinformasjon, utvikle betre planverk og auke den digitale beredskapsevna. For å lukkast treng vi kloke hovud frå fleire kommunar, slik at løysingane blir treffsikre, robuste og til nytte for både kommunar og innbyggjarar.

DigiVestland søkjer fagpersonar som kan bidra i tre arbeidsgrupper innan e‑helse. Ressursane blir frikjøpte i avtalt stillingsprosent, og arbeidet skjer i tett samarbeid med e‑helsesekretariatet – eit kompetent og engasjert fagmiljø som jobbar for betre samhandling og utvikling av digitale helsetenester i heile Vestland.

Tiltaka er finansierte gjennom Oppdragsbrev om innføring av helseteknologi og prioriterte samhandlingstiltak i kommunal sektor. Oppdragsbrevet er ein del av ei nasjonal satsing på felles innføringsmodellar og betre samhandling i kommunal e‑helse, og er utvikla av KS i samarbeid med Norsk helsenett og dei regionale digitaliseringsnettverka. Målet er å støtte kommunane i arbeidet med innføring, bruk og gevinstrealisering av helseteknologi og samhandlingsløysingar.

For å sikre god lokalkunnskap og brei forankring skal deltakarane i arbeidsgruppene kome frå fleire kommunar i Vestland. Slik får vi inn ulike perspektiv, erfaringar og behov – noko som gir meir treffsikre resultat for både fylket og resten av landet.

Tiltaka vi treng ressursar til

  • Informasjon om velferdsteknologi på kommunale nettsider
  • Mal for handlingsplan for e‑helse
  • Beredskapsøvingar innan e‑helse

Under finn du detaljert informasjon om arbeidsoppgåver og ressursbehov for kvart tiltak.

Arbeidsoppgåver

Gruppa skal:

  • Kartleggje eksisterande tekstar og vurdere kva som bør vere felles på tvers av kommunar
  • Samarbeide med brukargrupper for å sikre god kvalitet og forståelege tekstar
  • Utarbeide korte, oppdaterte og lett forståelege tekstar som forklarer:
    • kva velferdsteknologi er
    • kva tenester som finst
    • korleis innbyggjarane kan søkje eller få tilbod
    • personvern og tryggleik
    • praktisk bruk og støtteordningar
  • Gjere tekstane tilgjengelege for alle kommunane i Vestland

Ressursbehov

  • 1 leiar, frikjøpt 30 % i 10 veker
  • 2–3 deltakarar, frikjøpt 20 % i 10 veker
  • Kompetanse: e‑helse, helse‑ og omsorg, kommunikasjon

Arbeidsoppgåver

Gruppa skal:

  • Samle inn relevante nasjonale krav, føringar og standardar
  • Utarbeide forslag til struktur og innhald for ein felles handlingsplan, inkludert:
    • mål og strategiar
    • prioriterte tiltak
    • tenesteområde og ansvarsdeling
    • kompetansebehov
    • risiko og beredskap
    • økonomi og gevinstrealisering
  • Lage ei brukarvennleg mal som kommunane enkelt kan tilpasse lokalt

Ressursbehov

  • 1 leiar, frikjøpt 30 % i 10 veker
  • 2–3 deltakarar, frikjøpt 20 % i 10 veker
  • Kompetanse: e‑helse, helse‑ og omsorg, administrasjon/organisasjon

Arbeidsoppgåver

Gruppa skal:

  • Gjennomgå erfaringar frå tidlegare øvingar og identifisere forbetringsområde
  • Utarbeide øvingsopplegg som tek for seg:
    • brot i digitale helsesystem
    • tryggleiks- og tilgjengehendingar
    • samhandling mellom helse, IKT og beredskap
    • intern og ekstern kommunikasjon
  • Planleggje og gjennomføre ei beredskapsøving med e‑helse som hovudtema
  • Utarbeide rapport med læringspunkt

Ressursbehov

  • 1 leiar, frikjøpt 30 % i 25 veker
  • 2–3 deltakarar, frikjøpt 20 % i 25 veker
  • Kompetanse: e‑helse, IKT, beredskap, kommunikasjon

Kompetansekrav og ønskjer

  • Relevant utdanning, gjerne på bachelornivå
  • Erfaring og innsikt innan e‑helse, gjerne frå kommunal sektor
  • Svært gode evner til relasjons- og nettverksbygging
  • Evne til å arbeide sjølvstendig, strukturert og målretta
  • god skriftleg og munnleg framstillingsevne
  • Personlege eigenskapar blir vektlagde

Vi tilbyr

  • Viktige og samfunnsnyttige oppgåver i eit sterkt fagmiljø
  • Moglegheit til å bidra til ein berekraftig, framtidsretta utvikling av helse‑ og omsorgstenestene
  • Frikjøp og løn etter avtale med eigen kommune
  • Hovudarbeidsstad i eigen kommune, mykje samarbeid skjer digitalt
  • kan bli reising m.a. om arbeidsgruppen skal møtast fysisk
  • Stor grad av ansvar og tillit

Slik søkjer du

Send kort søknad og CV til:
Aslaug Lunde – aslaug.lunde@bergen.kommune.no

Presiser om du søkjer som leiar eller deltakar.
Du må avklare frikjøp med eigen leiar før du sender søknad.

Filer tilgjengelige for nedlasting
Ikon som illustrerer filtype Filnavn Filstørrelse Datofil ble lastet opp
  • Aslaug B. F. Lunde Kontakt for KS nettverk e-helse E-post 92 03 63 09

Publisert

Fann du det du leita etter?

Besøksadresse
Rådhusgaten 10
5014 Bergen, Norway

Ansvarlig redaktør: Lars Longva
Daglig leder: Simen Soltvedt

 

Personvernserklæring
Tilgjengelighetserklæring Lenke til et annet nettsted.

Meld deg på Digivestlands nyhetsbrev