Felles kommunal arkitektur skal bidra til heilskapleg tenking og samanhengande digitale tenester

Felles kommunal arkitektur er eit prosjekt i regi av KS som tek fatt på utfordringane adressert i FoU-rapporten «Hvordan kan det samlede utfordingsbilde for fremtidig digitalisering i kommunal sektor håndteres? Lenke til et annet nettsted, åpnes i nytt vindu.».

DigiVestland si faggruppe for verksemdsarkitektur er kopla på dette arbeidet og har delteke i forprosjektet. Forprosjektet har tre leveransar som inneber behovskartlegging, løysingsbeskriving og beskriving av styringsmodell. Konseptet som blir jobba med er etablering av ein «Nasjonal allmenning» for å tilby infrastruktur, design og kunnskap til kommunal og fylkeskommunal sektor. Forprosjektet tilrår vidareføring av felles kommunal arkitektur i eit hovudprosjekt

Målet med ein felles kommunal arkitektur er å bidra til auka heilskapleg tenking og samanhengande digitale tenester, samtidig som dette vil vera eit nøkkelverktøy for digitaliseringa av sektoren. Felles kommunal arkitektur vil bidra til standardisering, harmonisering og gjenbruk av mellom anna tenester, arbeidsprosessar, regelverk, datamodellar og IT-løysingar.