Digitale byggjesøknader - vidare arbeid

Prosjektet har bidrege til auka innsikt i utfordringsbiletet og potensialet ved digitale byggjesøknader – både frå perspektivet til kommunane og søkjarane. Kartlegginga viser store variasjonar i digital modnad, manglande ressursar og kompetanse i mindre kommunar, og behov for betre samhandling og erfaringsdeling på tvers. Det er òg identifisert utfordringar knytte til kvaliteten på søknader, manglande føreseielegheit for søkjarar, og behov for tydelegare nasjonal koordinering.

Arbeidsgruppa skal byggja vidare på dei ni hovudtiltaka i rapporten og 22 deltiltak, med særleg fokus på:

• å styrkja DigiVestland som samarbeidsplattform og støtte for kommunane
• å leggja til rette for auka bruk av eByggesak og eByggesøk
• å gjera tydeleg forventingar og harmonisera sjekklister og rettleiarar
• å fremma bruk av strukturert data for betre innsikt og kvalitet
• å bidra til felles eigarskap, engasjement og erfaringsdeling på tvers av regionen

Målet er å prioritera og setta i verk tiltak som gir størst effekt for kommunane, og samtidig dela erfaringar nasjonalt for å bidra til meir standardisert og effektive byggjesaksprosessar.