Velferdsteknologisk knutepunkt (VKP)

Velferdsteknologisk knutepunkt (VKP) er ei nasjonal løysing som handterer informasjonsflyt mellom kommunane sine velferdsteknologiske system og dei elektroniske pasientjournalsystema (EPJ). Tenesta gjer det mogleg både å hente ut nødvendige opplysningar frå EPJ og å journalføre automatisk frå velferdsteknologiske løysingar, slik at helsepersonell slepp å registrere dei same opplysningane fleire gonger. Dette gir meir effektiv arbeidstid, høgare datakvalitet og betre grunnlag for trygge helsetenester.

VKP vil etter planen bli erstatta av nye API-baserte informasjonstenester i løpet av 2026, men dagens løysing spelar framleis ei sentral rolle i kommunane si overgang til meir heilskaplege og automatiserte tenester. Kommunane betaler ikkje for sjølve VKP-tenesta, men må rekne med kostnader knytte til integrasjonar og tekniske tilpassingar. Felles innføringsløp organisert av KS og Norsk helsenett hjelper kommunane å kome i gang på ein strukturert måte og sørgjer for deling av erfaringar mellom kommunane.

VKP blir faset ut – viktig for kommunar som planlegg EPJ‑byte i 2026
Norsk Helsenett (NHN) har bestemt at dagens løysing for Velferdsteknologisk knutepunkt (VKP) skal erstattast av ei ny løysing med enkeltståande API‑tenester i løpet av 2026.

For kommunar som planlegg å bytte EPJ‑system i 2026, anbefaler Norsk Helsenett å vente til ny løysing er på plass. Når VKP er under ombygging og skal erstattast innan kort tid, kan det vere lite føremålstenleg å bruke ressursar på nye integrasjonar mot dagens plattform. Kommunen kan då risikere å få ei mellombels løysing, eller måtte gjere arbeidet om igjen når den nye API‑baserte løysinga kjem.