Utbreiing av velferdsteknologisk knutepunkt

Om prosjektet

Direktoratet for e-helse, Norsk Helsenett og KS har samarbeidd med eit utval kommunar om å lage ei skybasert integrasjonsløysing, kala Velferdsteknologisk knutepunkt (VKP). Knutepunktet skal bidra til å løyse kommunane sine utfordringar med manglande integrasjonar og dataflyt. Det kan gi:

• effektiv ressursbruk, ved at helsepersonell slepp å registrere informasjon fleire stader

• auka tenestekvalitet ved at riktig informasjon er tilgjengeleg for dei som treng han, når dei treng han

• marknadsinnovasjon og næringsutvikling, ved å vere ein open, leverandøruavhengig og nøytral plattform som er lett å kople seg til

• leverandørtilpassingar som tilfredsstiller krav i det framidige rammeverket for samhandling i helsesektoren

Kommunar som ønskjer å ta i bruk VKP opplever likevel vesentlege barrierar. Prisen leverandørane av fagsystema krev for å gjere det mogleg å ta løysinga i bruk blir opplevd som varierande og høg. Kommunane er òg usikre på framtidig utvikling og funksjonalitet, blant anna fordi VKP foreløpig er lite utbreidd. Digi-nettverka og KS samarbeider om å greie ut moglege løysingar. Målet for prosjektet er å senke terskelen for å ta VKP i bruk, og leggje grunnen for rask og koordinert utbreiing.