Årdal: korleis jobbe med digitalisering i ei lita kommune

Byrja tidleg – og held fram i høgt tempo

Eit av dei store digitale løfta i Årdal kom gjennom deltakinga i DigiVestland sitt regionale innføringsløp for Folkeregister. Dette samarbeidet la grunnlaget for ei smidig overgang til dagens moderne Fiks register, og sidan 2022 har kommunen hatt integrasjon mot Fiks register i alle sentrale fagsystem.

Samarbeid som kvardagsstrategi

Årdal byggjer mykje av digitaliseringsarbeidet sitt på samarbeid – ikkje minst med Lærdal og Sogndal. Dette omfattar alt frå tett samarbeid med Lærdal og felles personvernombod med Sogndal. For små kommunar er dette ofte nøkkelen for å kunne løfte både kvalitet og kapasitet.

Ved å samarbeide med andre kommunar tek vi større digitale steg, seier Eva Legreid Løvdahl frå Årdal kommune. «Det påverkar organisasjonen positivt og får ringverknader både internt og mot publikum».

Eit godt eksempel på dette er at Årdal har vore med i DigiVestland si faggruppe for plan, bygg og geodata ved innføring av eByggesak. Dette er ein prosess som kan vere krevjane for små fagmiljø å handetere åleine, så deltakinga i faggruppa har gitt verdifulle erfaringar.

Store løft innanfor oppvekst og barnevern

I 2023/2024 deltok Årdal i DigiBarnevern, DigiVestland sitt store fellesprosjekt for anskaffelse av nytt barnevernssystem. I prosjektet sparte dei heile 67% av kostnadane ved å gå saman med Voss og Bjørnafjorden i anskaffinga. Det kan du lese meir om eigen artikkel her.

Samstundes innførte kommuna:

• KS SvarUt og SvarInn
• eSignering
• Automatisk statleg rapportering via Fiks Protokoll

Dette har stramma opp både kvalitet og informasjonsflyt, og ikkje minst styrkt tryggleiken i sakshandsaminga.

Også resten av oppvekstområdet har fått eit digitalt løft. Nye fagsystem og appar gjer at kommunen no jobbar papirlause og sømlause mellom avdelingar og i dialog med føresette. PPT er no i ferd med å ta i bruk KS Fiks eDialog – eit nytt steg mot sikker og effektiv innbyggjarkommunikasjon.

Tunge satsingar i e-helse og velferdsteknologi

Årdal har vore aktive deltakarar i fleire av dei nasjonale e-helseløpa som DigiVestland har koordinert. I dag bruker kommunen mellom anna:

• Kjernejournal
• DigiHelse
• DigiHelsestasjon
• DigiSos
• SvarUt for vedtaksutsending i EPJ

Kommunen ligg også langt framme med digital støtte til tenesteproduksjon, som:

• Dynamon – KI-basert turnusplanlegging
• Aktiv forsyningsmodul – digital lagerstyring

Det er viktig for kommunen å leggje til rette for at innbyggjarane kan bu lengst mogleg heime i eigen bustad.

På velferdsteknologisida samarbeider dei tett med alarmsentralen i Florø, og har innført alt frå sensorbaserte tryggleiksalarmar til digitale tilsyn, GPS med fallalarm, kollegavarsling, medisindispenserar og Nattugler. I tillegg deltek Årdal i eit eige prosjekt om velferdsteknologi for barn og unge, saman med fleire andre kommunar.

Digital beredskap – ikkje berre for storbyane

Hausten 2025 deltok Årdal på DigiVestland si samling om digital beredskap. Som resultat er det no etablert eigne kompisgrupper for øving og kompetanseheving. Årdal skal samarbeide med Voss, Kvam, Eidfjord, Ulvik og Lærdal – med Voss som leiarkommune.

Dette fell godt inn i DigiVestland sitt arbeid med å styrkje tryggleik, kontinuitet og krisehandtering i heile regionen.

På veg mot betre oversikt og meir heilskap

Med bakgrunn i deltaging i DigiVestland sine faggrupper, samt Kompetanseløftet for digital transformasjon, er kommunen no i gang med å lage ein samla oversikt over heile systemportefølgja si, inkludert ansvarsmatrise.

For mange kommunar er dette noko som stadig blir utsett – difor er Årdal sitt arbeid eit godt eksempel på korleis ein kan ta steg for steg mot betre styring, betre rutinar og betre personvern.

Heile regionen blir betre av at kommunar som Årdal tek modige, smarte og vellukka digitale steg.