DigiBarnevern
Digitalisering av barnevernet skal sikre raskare og betre hjelp til barn og unge som har bruk for det. I tillegg skal Digibarnevern bidra til å gjera arbeidsflyten betre og auka kvaliteten i saksbehandlinga. Både stat og kommune har ansvar for tiltak som til saman utgjer Digibarnevern, mellom anna:
Digitale innbyggjartenester som til dømes vil gjera dialogen mellom tenesta og barn, unge og føresette, enklare, og dessutan gi betre oversikt over dokument, vurderingar og vedtak
Nasjonal portal for bekymringsmelding er det mange kommunar som har tatt i bruk, og fleire planlegg å kopla seg på etter kvart. Portalen gjer at bekymringsmeldingar kan sendast digitalt.
Barnevernsfagleg kvalitetssystem (BFK) skal vera del av fagsystema kommunen bruk
er, og gi saksbehandlar støtte i det daglege arbeidet både fagleg og juridisk.
Rapporteringsløysing og nasjonalt barnevernsregister er ei rapporteringsløysing som skal overta for dei årlege og halvårlege rapporteringane. Løysinga skal vera klar til drift i 2023.
For å få full effekt av tenestene i Digibarnevern må kommunane ta i bruk nytt fagsystem, men også arbeida med endring i arbeidsmåte. Fagsystema som blir brukt av barnevernstenesta i kommunane i dag, støtter ikkje Digibarnevern. To leverandørar held på med utvikling, og har avtale med nokre av kommunane om kjøp.
DigiVestland samarbeider tett med KS og andre diginettverk, om vegen vidare, for å samle kreftene og sette opp ein framdriftsplan som skal hjelpe kommunane å ta i bruk dei nasjonale løysingane etter kvart som dei blir klare.
Følg med på nettsida til DigiVestland for meir informasjon!