Plan, bygg og geodata

Oppsummering av 2021

I 2021 har faggruppa hovudsakleg fokusert på etableringa av eit fellesprosjekt for kommunar som ønskjer eller er i anskaffing av løysing for eByggesak og ePlansak. 26. januar gjennomførte vi eit webinar i samarbeid med KS, Direktoratet for Byggkvalitet (DiBK) og Kartverket. Webinaret handla om digitalisering av plan- og byggesaksprosessen. Dette vart følgt opp med eit nytt webinar 28. april, der systemleverandørar for eByggesak og ePlansak var inviterte til å presentere deira løysingar. På bakgrunn av dei to webinara, er det frå hausten 2021 etablert eit fellesprosjekt med formål å akselerere innføringa av løysingar for eByggesak og ePlansak (sjå eiga årsmelding).

I tillegg til fellesprosjektet for eByggesak og ePlansak, har faggruppa gjennomført følgjande aktivitetar:

• Gitt innspel til nytt mandat for KS sitt fagråd for plan, bygg og geodata

• Kartlagt kommunane sine erfaringar frå bruk av digitale byggesøknadsløysingar.

• Arrangert eit webinar i samarbeid med Alver kommune om bruk av droneteknologi i kommunen.

• Vidareført aktivitetane til nettverket for digitalt planregister.