Faggruppe for plan, bygg og geodata

Bakgrunn og formål

Store nasjonale prosjekt innanfor dei tekniske områda vil påverke våre kommunar i tida framover. Dette er løysingar som bidrar til å forenkle og forbetre kommunanes moglegheiter til å sikre gode plan- og byggesaksprosessar og betene innbyggjarar og næringsliv.

Dei nye digitale tenestene krev tilpassingar i tekniske løysingar og infrastruktur, men vil også påverke kommunens arbeidsprosessar og samhandlinga med innbyggjarar og næringsliv. Dette vil ha betydning for måten tenestene organiserast på og skal bidra til ein meir effektiv saksbehandling i kommunane.

Faggruppe for plan, bygg og geodata er etablert med eit formål om å bidra til eit kollektivt lyft innan fagområdet for å sikre kompetansebygging, utvikling av felles verktøy og mottak og innføring av nasjonale løysingar. Arbeidet skal skje i tett samarbeid med andre faggrupper, prosjekt og andre regionale initiativ innanfor Digi Vestland.

Aktivitetar

Faggruppa møtes gjerne digitalt, ein gong kvar månad. I tillegg bidrar gruppa i det regionale prosjektet Digital dialog og sjølvbetening.

Organisering

Alle kommunar i regionen er invitert til å delta i faggruppa, som er koordinert av Bergen kommune.