Ny runde med rettleiarteneste for personvern og informasjonstryggleik

Arbeidsgruppa for personvern og informasjonstryggleik gjennomførte i første halvår 2022 ein pilot i samarbeid med KS og prosjektet SkoleSec, som testa ut ei regional rettleiarteneste i personvern og informasjonstryggleik for skuleeigarar. Piloten omhandla innkjøp, bruk og avslutning av digitale læringsressursar. I dette inngjekk mellom anna rutinar rundt innkjøp, databehandlaravtalar, risikovurderingar, personvernkonsekvensvurderingar, behandlingsprotokoll og liknande. Målgruppa for piloten var skuleeigarar og rådgivarar som arbeider med dette området i kommunen sin.

Askvoll, Bømlo og Voss kommune deltok i piloten, medan sju kommunar frå arbeidsgruppa deltok som rettleiarar. Basert på erfaringane frå piloten og gjennomført evaluering etablerte faggruppa rettleiartenesta som ei fast teneste. Eidfjord, Fedje, Kvam, Luster, Osterøy, Sunnfjord og Øygarden kommune deltok i runde 2.

Oppstart november 2023

Vi ønskjer no å invitere nye kommunar til å delta i runde 3. Meir informasjon om kva kommunen din vil oppnå, innhald i rettleiinga og kva det vil krevje av kommunen din å delta finnar du i dokumentet under.