Faggruppe for oppvekst

Bakgrunn og formål

Digitalisering skaper nye moglegheiter og utfordringar. Dersom moglegheitene nye teknologiar gir blir godt utnytta og blir godt brukt i organisering og gjennomføring av opplæringa, vil barn og unge få moglegheit til å tileigne seg kunnskap og skape ved hjelp av teknologi og digitalt innhald. Det kan bidra til motivasjon, engasjement og variasjon i opplæringa. Tilgang til eit rikt mangfald av innovative læremiddel, læringsressursar og verktøy er viktig for å få til dette. Samtidig er det viktig at infrastrukturen rundt dei digitale ressursane fungerer godt og trygt slik at den ikkje opplevast som eit hinder for arbeidsprosessane til elevar og lærarar.

Faggruppen for oppvekst vart etablert våren 2021, og er ein del av strukturen i DigiVestland. Overordna mål er at aktivitetane skal bidra til ei styrking av den enkelte kommune si innsats og auke kompetansen innan fagområdet. 

• Faggruppen skal bidra til at medlemmene blir i satt i stand til å ta imot nasjonale prosjekt og løfte regionale problemstillingar nasjonalt

• Faggruppen skal legge til rette for auka kompetanse på fagområdet hos medlemmene i regionen gjennom kompetanse- og erfaringsdeling

• Faggruppen skal medverke til avgjerdstøtte gjennom å etablere ei felles forståing for sentralt metode- og rammeverk innanfor fagområdet

Organisering

Faggruppen er leia av eit arbeidsutval beståande av representantar frå KS sitt kommunalsjefnettverk på oppvekstområdet. Arbeidsutvalet skal prioritere aktivitetar gjennom etablering av arbeidsgrupper på spesifikke tema/fagområde.